இஸ்லாமிய போதனைகளின் தத்துவஞானம் The Philosophy of The Teachings of Islam (Tamil)

ஹஸ்ரத் மிர்ஸா குலாம் அஹ்மது காதியானி-வாக்களிக்கப்பட்ட மஸீஹ், மஹ்தி.

1896-ஆம் ஆண்டு டிசம்பர் 26-ஆம் தேதி முதல் 29-ஆம் தேதி வரை சர்வ சமய மாநாடு லாஹூர் நகரில் நடைபெற்றது. அதில் வாசிக்கப்பட்ட இந்தச் சிறப்புமிகு கட்டுரை வெளியிடப்பட்டு நூறாண்டுகள் நிறைவுற்றதை உலகளாவிய அஹ்மதிய்யா முஸ்லிம் ஜமாஅத் கொண்டாடி வருகிறது. இக்கட்டுரை இறை உதவியால் எழுதப்பட்டது. மேலும் இக்கட்டுரை மற்ற கட்டுரைகளைவிட முதன்மையானதாக தேர்ந்தெடுக்கப்படும் என இறையறிவிப்புகள் மூலமாக முன்னரே அல்லாஹ் கூறியிருந்தான். அந்த அறிவிப்பு மாநாடு துவங்குவதற்கு முன்னரே செய்யப்பட்டிருந்தது. லாஹூரின் பல்வேறு பொது இடங்களில் சுவரொட்டிகள் மற்றும் பிரசுரங்கள் வாயிலாக அதன் விளம்பரம் செய்யப்பட்டது.

இறைவனுக்கு நன்றி கூறும் வகையில் நடைபெறும் இவ்விழாவை பொருளுடையதாகவும், எல்லாவகையான வீணான காரியங்கள் மற்றும் பகட்டான காரியங்களிலிருந்தும் தூய்மையானதாக அமைத்துக் கொள்வதே, நம்பிக்கை-யாளர்களின் ஜமாஅத்திற்கு அழகாகும். எனவே, நாம் முடிந்தவரை, பெரிய, பெரிய மொழிகளில் இந்நூலின் மொழியாக்கத்தை வெளியிட்டு நூற்றாண்டு விழாவை கொண்டாடுகிறோம். உலகின் பெரும்பாலான நாடுகள் இதன் அருட்களிலிருந்து பெருமளவு பங்குபெறும் என நாம் நம்புகிறோம்.

அல்லாஹ்வின் தனிப்பெரும் அருளால் நாம் இதுவரை உலகின் 52 பெரிய மொழிகளில் இந்நூலின் மொழியாக்கம் மற்றும் அதன் வெளியீட்டினை முழுமை செய்து விட்டோம். 

அதுமட்டுமின்றி, மீதமுள்ள மொழிகளிலும் இந்நூலின் மொழியாக்கப் பணி நடைபெற்று வருகின்றது. அல்லாஹ்வின் அருளினால் 1996-ஆண்டு இறுதிக்குள் அப்பணியை முழுமை செய்து விடுவோம் எனவும் நாம் நம்புகிறோம்.

இந்த நற்பணியில் தமது ஆற்றலையும், நேரத்தையும் செலவு செய்து, முயற்சி செய்த அனைவருக்கும் அல்லாஹ் தனது அருட்கொடைகளை வழங்குவானாக. ஆமீன்.

ஜனவரி-1996

மிர்ஸா தாஹிர் அஹ்மது

(நான்காவது கலீஃபத்துல் மஸீஹ்)

The Philosophy of The Teaching of Islam in Tamil language. Originally written by Hadrat Mirza Ghulam Ahmad (1835-1908), Promised Messiah and Mahdi.