ପ୍ରତିଶୃତ ମସିହଙ୍କ ରଚନାରୁ ନିର୍ବାଚିତ ନୀତିବାଣୀ

ହଜରତ ମିର୍ଜା ଗୁଲାମ ଅହମଦ ୧୮୮୯ ମସିହାରେ ଦାବି କରିଥିଲେ ଯେ ସେ ହିଁ ସେହି ସଂସ୍କାରକ ଯାହାଙ୍କ ଆବିର୍ଭାବ ବିଷୟରେ ବିଭିନ୍ନ ଧର୍ମାବଲମ୍ବୀମାନେ ତାହାଙ୍କୁ ବିଭିନ୍ନ ନାମ ଓ ବିଭିନ୍ନ ପଦବୀରେ ନାମିତ କରି ପ୍ରତୀକ୍ଷା କରିଥିଲେ । ହିନ୍ଦୁମାନେ ଶ୍ରୀକୃଷ୍ଣଙ୍କୁ, ଖ୍ରୀଷ୍ଟିୟାନମାନେ ମସିହଙ୍କୁ, ବୌଦ୍ଧମାନେ ବୁଦ୍ଧଙ୍କୁ ଓ ମୁସଲମାନମାନେ ମେହଦି ତଥା ମସିହଙ୍କୁ ଅପେକ୍ଷା କରିଥିଲେ । ହଜରତ ମିର୍ଜା ଗୁଲାମ ଅହମଦ ଅଲ୍ଲୀଙ୍କ ନିର୍ଦ୍ଦେଶ ଓ ମାର୍ଗ ପ୍ରଦର୍ଶନ ବଳରେ ଏକ ବୈପ୍ଳବିକ ଘୋଷଣା କରିଥିଲେ ଯେ ଜଣେ ମାତ୍ର ‘ଅଙ୍ଗୀକୃତ ସଂସ୍କାରକ’ ପ୍ରକଟିତ ହେବେ ଓ ସେ ସମସ୍ତ ଜାତି ଓ ଧର୍ମାବଲମ୍ବୀମାନଙ୍କର ପ୍ରତିନିଧୂତ୍ବ କରିବେ । ସେହି ପ୍ରତିଶ୍ରୁତ ଅବତାର ସ୍ୱାଧୀନ ଭାବରେ ନୁହେଁ, ବରଂ ଇସଲାମ ଧର୍ମର ପ୍ରତିଷ୍ଠାତା ହଜରତ ମୁହମ୍ମଦ ଙ୍କର ଅଧୀନସ୍ଥ ହୋଇ ଆବିର୍ଭୁତ ହେବେ । ସେ ଆହୁରି ମଧ୍ୟ ଘୋଷଣା କରିଥିଲେ ଯେ ଇସଲାମ ହିଁ ହେବ ସମସ୍ତ ମାନବ ଜାତିର ଚୁଡ଼ାନ୍ତ ଓ ପୂର୍ଣାଙ୍ଗ ଧର୍ମ ଏବଂ ହଜରତ ମୁହମ୍ମଦ ଏହାର ଏକମାତ୍ର କର୍ଣ୍ଣଧାର ଓ ସଂପୂର୍ଣ୍ଣ ମାନବୀୟ ଜୀବନାଦର୍ଶ । ଚଳିତ ଯୁଗରେ ତାହାଙ୍କ ଆଜ୍ଞାଧୀନ ହୋଇ ଓ ତାଙ୍କ ଦାସତ୍ୱରେ ଆସିଥିବା ବିଶ୍ୱ ସୁଧାରକଙ୍କ ଆବିର୍ଭାବ ପରିଶେଷରେ ଏପରି ଏକ ବିଶ୍ଵଧର୍ମର ପ୍ରତିଷ୍ଠା ପାଇଁ ଏକ ସୁବର୍ଣ୍ଣ ଯୁଗ ଭାବେ ପ୍ରତିପାଦିତ ହେବ, ଯାହାର ସ୍ୱପ୍ନ ମାନବ ସମାଜ ଦେଖୁଆସିଛି ଓ ତାକୁ ପାଇବାକୁ ବ୍ୟାକୁଳ ହୋଇଛି ।

ସୁତରାଂ ୧୮୮୯ରେ ଏକ ସମ୍ପ୍ରଦାୟ ପ୍ରତିଷ୍ଠା କରିବା ପାଇଁ ଅଲ୍ଲୀ ତାଙ୍କୁ ଦୈବୀବାଣୀ ମାଧ୍ୟମରେ ନିର୍ଦ୍ଦେଶ ଦେଇଥିଲେ, ଯାହା ତାଙ୍କ ଆଗମନ ଓ ଆବିର୍ଭାବର ଉଦ୍ଦେଶ୍ୟ ଓ ଲକ୍ଷ୍ୟକୁ ପୂରଣ କରିବ । ସେଥିପାଇଁ ଯେଉଁମାନେ ତାଙ୍କର ସମସ୍ତ ଦାବିକୁ ବିଶ୍ଵାସ କରୁଥିଲେ ଓ ତା’ ଉପରେ ଆସ୍ଥା ସ୍ଥାପନ କରୁଥିଲେ, ସେମାନଙ୍କୁ ଦୀକ୍ଷା ଦେଇ ସେ ୧୮୮୯, ମାର୍ଚ୍ଚ ୨୩ରେ ଭାରତର ପଞ୍ଜାବସ୍ଥିତ ଲୁଧୂଆନା ନାମକ ଏକ ସହରରେ ଆନୁଷ୍ଠାନିକ ଭାବେ ଅହମଦିୟା ମୁସଲିମ ଜମାଅତ ଗଠିତ ହେବାର ଘୋଷଣା କରିଥିଲେ ।

ରଚନା ଅହମଦ ନିଜ ଜୀବନକାଳ ମଧ୍ୟରେ ଆର୍ଯ୍ୟ ସମାଜୀ ଓ ଖ୍ରୀଷ୍ଟ ପାଦ୍ରୀମାନଙ୍କ ପକ୍ଷରୁ ଇସଲାମ ଉପରେ ହେଉଥିବା ଆକ୍ରମଣର ଦୃଢ ପ୍ରତିବାଦ ଜଣାଇଥିଲେ ଓ ପବିତ୍ର କୁରଆନର ଶାଶ୍ବତ ତଥା ସାର୍ବଜନୀନ ଶିକ୍ଷାର ପ୍ରସାର ପାଇଁ ୮୦ରୁ ଅଧିକ ସାରଗର୍ଭକ ପୁସ୍ତକ ରଚନା କରିଥିଲେ । ସୀମିତ ସମ୍ବଳ ଓ ସୁବିଧା ସୁଯୋଗ ନଥିବା ସତ୍ତ୍ବେ ସେ ପୃଥ‌ିବୀରେ ଇସଲାମର ପ୍ରଚାର କରାଇଥିଲେ । ୧୯୦୮ ମସିହାରେ ତାଙ୍କର ଦେହାବସାନ ହେଲା ଓ ତା'ପର ଠାରୁ ଏହି ସମ୍ପ୍ରଦାୟରେ ଖିଲାଫତ (ଉତ୍ତରାଧୀକାର) ବ୍ୟବସ୍ଥା କାର୍ଯ୍ୟକାରୀ ହୋଇ ଆସୁଛି । ଏହି ଆଧ୍ୟାତ୍ମିକ ଶିକ୍ଷାର ନେତୃତ୍ବାଧୀନରେ ଏକଜୁଟ ହୋଇ ଏହାର ୧୬ କୋଟିରୁ ଉର୍ଦ୍ଧ୍ବ ଅନୁଗାମୀ ସମଗ୍ର ବିଶ୍ଵରେ ବାସ୍ତବ ଇସଲାମର ପ୍ରଚାର ଓ କୁରଆନ ଶିକ୍ଷା ଦିଗଦର୍ଶନ ଦେଇ ଆସୁଛି । ଇସଲାମର ପ୍ରଚାର ପ୍ରସାର କ୍ଷେତ୍ରରେ ଯୁଗାନ୍ତକାରୀ ଅବଦାନ ଦେଇ ଆସୁଛି ।

Oriya translation of selected writings ofHazrat Mirza Ghualam Ahmad of Qadian , Imam Mehdi and the Promised Messiah