Selected Verses of the Holy Quran, Assamese

১) পবিত্ৰ কোৰান শ্বৰীফৰ প্ৰত্যেক শ্লোকৰে এটা সৰল আৰু সহজে বোধগম্য অৰ্থ থাকে আৰু যি কোনো নতুন পঢ়ুৱৈয়ে প্ৰথম বাৰ ভাঙনিত পঢ়োঁতেই সেই শ্লোকৰ গভীৰ উদ্দেশ্যৰ বিষয়ে কিছু ধাৰণা কৰি লব পাৰে। ইয়াৰ উপৰিও, প্ৰত্যেকটো শ্লোককে এটা বহু প্ৰণালী যুক্ত অভিনৱ আৰু অখণ্ড যোগাযোগ পদ্ধতিৰ এক অঙ্গ স্বৰূপে লব পাৰি য’ত অপেক্ষাকৃত ভাৱে সহজে চকুত নপৰা অৰ্থ নিহিত থাকে। এই পদ্ধতিৰ মাধ্যমেদি প্ৰত্যেকটো শ্লোকৰ মূল বিষয়-বস্তুটো এটা বহু প্ৰণালীৰ যোগাযোগ ব্যৱস্থাৰ দ্বাৰা আগত আৰু পাছত থকা শ্লোক আৰু খণ্ড সমূহৰ লগত মিলি ধাৰাবাহিক অৰ্থৰ সংযুক্ত অংশ হৈ পৰে।উপৰোক্ত কথাখিনিৰ পৰিপ্ৰেক্ষিতত দুটা বস্তু স্পষ্ট হৈ পৰে:—

২ (ক) যি কোনো ভাঙনি যিমানেই নিৰ্ভুল বা সঠিক নহওক, পবিত্ৰ কোৰানৰ দৰে এখন ৰসাল অৰ্থপূৰ্ণ বহুমুখী কাব্যৰ অৰ্থ ভাঙনিৰ যোগেদি সম্পূৰ্ণ বোধগম্য কৰিব নোৱাৰি। প্ৰকৃততে, কোনো এক নিৰ্দিষ্ট ভাঙনিয়েই যে পবিত্ৰ কোৰানৰ আৰবী ভাষাত থকা মৌলিক বাণী সমূহৰ সম্পূৰ্ণ অৰ্থ পঢ়ুৱৈক দিব পাৰে সেইটো দাবী কৰি কোৱা অসম্ভৱ।২ (খ) তাতোকৈও কঠিন হয়, পবিত্ৰ কোৰানৰ পৰা কোনো এটা নিৰ্দিষ্ট বিষয়ৰ প্ৰসংগত কেইটামান শ্লোক বাচি লৈ সেই কেইটাক উল্লেখিত বিষয়টোৰ সম্পূৰ্ণ বৰ্ণনামূলক বা বিস্তাৰিত পৰিচায়ক বুলি বিবেচনা কৰাটো! উদাহৰণ স্বৰূপে, যদি কোৰান শ্বৰীফত উল্লেখ কৰা অনুযায়ী হ’ব লগা অৰ্থ-নীতিৰ ব্যাখ্যাৰ উদ্দেশ্যে কেইটামান শ্লোক বাচি লবলৈ চেষ্টা কৰা হয়, উপৰোক্ত কাৰণতেই, সেই প্ৰচেষ্টা ফলপ্ৰসূ হোৱাটো অতিশয় দুৰূহ হ’ব। আন এটা কাৰণ হ’ল, ইছলামী অৰ্থনীতিৰ মূলমন্ত্ৰৰ বিষয়ে বৰ্ণনা কোৰান শ্বৰীফৰ