ପୈଗାମେ ସୁଲ୍ହା (ଶାନ୍ତିର ବାର୍ତ୍ତା)

ହଜରତ ମିର୍ଜା ଗୁଲାମ ଅହମଦ™ ପ୍ରତିଶ୍ରୁତ ମସିହ ଓ ମେହଦୀ.

ପ୍ରକାଶକଙ୍କ ମନ୍ତବ୍ୟ

‘ପୈଗାମେ ସୁଲ୍ହା’ ନାମକ ଉର୍ଦୁ ଭାଷାରେ ଲିଖୂତ ଏହି ପୁସ୍ତକ ପ୍ରତିଶ୍ରୁତ ମସିହ ହଜରତ ମିର୍ଜା ଗୁଲାମ ଅହମଦ ( ୧୮୩୫–୧୯୦୮)ଙ୍କର ମାନବଜାତି ପାଇଁ ଅନ୍ତିମ ବାର୍ତ୍ତା ବହନ କରେ । ତାଙ୍କର ଏହି ଯୁଗାନ୍ତକାରୀ ଆଲେଖ୍ୟରେ ମହାମାନ୍ୟ ହଜୁର ଭାରତ ଉପମହାଦେଶର ଦୁଇଟି ମୁଖ୍ୟ ଜାତି ହିନ୍ଦୁ ଓ ମୁସଲମାନମାନଙ୍କ ମଧ୍ୟରେ ପ୍ରେମ ଓ ମୈତ୍ରୀଭାବ ପୋଷଣ କରିବା ପାଇଁ ଅତ୍ୟନ୍ତ ଦରଦଭରା ଆବେଗର ସହିତ ନିବେଦନ କରିଛନ୍ତି ଓ ସେମାନଙ୍କ ପାଇଁ ଏହାକୁ ଏକ ଆଚାର ସଂହିତା ରୂପେ ଉପସ୍ଥାପନ କରିଛନ୍ତି । ଏହି ପୁସ୍ତକରେ ପୁଣ୍ୟଶ୍ଳୋକ ଦୁଇ ସମ୍ପ୍ରଦାୟ ମଧ୍ୟରେ ପାରସ୍ପରିକ ଘୃଣା ଓ ବିଦ୍ବେଷ ଯୋଗୁଁ ସୃଷ୍ଟି ହୋଇଥିବା ଅଶାନ୍ତ ବାତାବରଣର ଅସଲ କାରଣ ଧର୍ମଗତ ମତଭେଦ ହୋଇଥିବାର ଦର୍ଶାଇଛନ୍ତି । ସେ ଏହା ମଧ୍ୟ ଉଲ୍ଲେଖ କରିଛନ୍ତି ଯେ ସମସ୍ତ ଧର୍ମର ପ୍ରଣେତା, ଆଧ୍ୟାତ୍ମିକ ପ୍ରବାଦ ପୁରୁଷ ତଥା ସାଧୁ ସନ୍ଥମାନଙ୍କୁ ଉପଯୁକ୍ତ ମର୍ଯ୍ୟାଦା ଦେବା ଉଚିତ । ଅନ୍ୟର ଧାର୍ମିକ ଭାବନାକୁ ଯଥୋଚିତ ସମ୍ମାନ ଦେବା ଓ ତାଙ୍କ ପ୍ରତିଷ୍ଠାକୁ ବଜାୟ ରଖିବା ଆବଶ୍ୟକ । ଏହି ପୁସ୍ତିକାର ସାରତତ୍ତ୍ଵ ଧର୍ମୀୟ ଏକତା ଓ ସାମ୍ପ୍ରଦାୟୀକ ସଦଭାବନାର ଉତ୍କୃଷ୍ଟ ଶିକ୍ଷା ଉପରେ ଆଧାରିତ । ହଜରତ ଅହମଦ୍ଙ୍କ ଦ୍ବାରା ବର୍ଣ୍ଣନା କରାଯାଇଥିବା ମାନବୀୟ ମୂଲ୍ୟବୋଧର ଶିକ୍ଷା ଭିତରୁ ହିଁ ସାମ୍ପ୍ରଦାୟୀକ ତିକ୍ତତା ଓ ଶତ୍ରୁତାକୁ ଦୂରୀଭୁତ କରିବାର ଏକମାତ୍ର ସମାଧାନ ସୂତ୍ର ବାହାରିଥାଏ । ଏହାକୁ ବାଦ ଦେଇ ଅନ୍ୟ ଯେତେ ଯାହା ଯୋଜନା ଓ ନୀତି ପ୍ରସ୍ତୁତ କରାଗଲେ ସୁଦ୍ଧା ସେସବୁ କେବଳ ନିରର୍ଥକ ଓ ସଂପୂର୍ଣ ବିଫଳ ସାବ୍ୟସ୍ତ ହୋଇଥାଏ।

ତେବେ ହଜରତ ଅହମଦଙ୍କର ଦେହାବସାନର ମାତ୍ର ଗୋଟିଏ ଦିନ ପୂର୍ବରୁ ୧୯୦୮ ମସିହା ମଇ ୨୫ ତାରିଖ ଦିନ ତାଙ୍କର ଏହି ଅନ୍ତିମ ରଚନା ଲାହୋର ବିଶ୍ୱବିଦ୍ୟାଳୟ ପ୍ରାଙ୍ଗଣରେ ଅନୁଷ୍ଠିତ ଏକ ବିଶାଳ ଜନ ସମାବେଶରେ ୨୧ ଜୁନ ୧୯୦୮ ମସିହାରେ ପାଠ କରି ଶୁଣାଇ ଦିଆଯାଇଥିଲା। ଲାହୋରବାସୀ ପ୍ରାଥମିକ ଶ୍ରୋତା ରୂପେ ଏହି ଉଦ୍ବୋଧନକୁ ଶୁଣିଥିଲେ ସତ, କିନ୍ତୁ ଭାରତ ଉପମହାଦେଶର ଜନସାଧାରଣଙ୍କ ମାର୍ଗଦର୍ଶନ ସକାଶେ ଏହା ଏକ ମହତ୍ତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା।

Oriya/Odiya translation of Urdu book "Paigham-e-sulha پیغام صلح "by Hazrat Mirza Ghulam Ahmad of Qadian 

Message of Peace , Oriya translation