നൂഹിൻ്റെ പേടകം (കശ്‌തിയെ നൂഹ്)

ഗ്രന്ഥകർത്താവിനെപ്പറ്റി 

ഹദ്റത്ത് മിർസാ ഗുലാം അഹ്‌മദ് (അ) 1835 ഫെബ്രുവരി 13ന് (1250 ശവ്വാൽ 14) പഞ്ചാബിലെ ഖാദിയാനിൽ ജനിച്ചു. ചെറുപ്പത്തിലേ ഖുർആൻ പഠനത്തിലും മത ചിന്തനത്തിലും ആദ്ധ്യാത്‌മികജീവിതതപസ്യയിലും നിമഗ്‌നനായി. ദേഹാന്ത്യം വരെ സ്വജീവിതം അനുസ്യൂതം ഖുർആൻ്റേയും ഇസ്‌ലാമിൻ്റേയും ഹദ്റത്ത് മുഹമ്മദ് നബി(സ) തിരുമേനിയുടേയും പ്രഭാവത്തെ പ്രകാശിപ്പിക്കുന്നതിനും ദൈവമഹ ത്വത്തെ വെളിപ്പെടുത്തുന്നതിനുമായി വിനിയോഗിച്ചു. ഇസ്‌ലാം വാസ്‌തവവിരു ദ്ധമായ ആക്ഷേപാക്രമണങ്ങൾക്ക് ലക്ഷീഭവിക്കുകയും മുസ്‌ലിംകളുടെ ലൗകികഭാ ഗ്യ ഐശ്വര്യദികൾക്ക് അപചയം സംഭവിക്കുകയും അവരുടെ മതവിശ്വാസം സന്ദേഹ വിതർക്കങ്ങൾക്ക് വിധേയമായി കേവലം ഉപരിപ്ലവം മാത്രമായി അവശേഷിക്കുക യും ചെയ്‌ത ഘട്ടത്തിൽ അദ്ദേഹം ഇസ്‌ലാം ധർമ്മത്തിൻ്റെ ന്യായസമർത്ഥനത്തിലും തത്ത്വവിശദീകരണത്തിനുമായിട്ട് ഉദ്യുക്തനായി. ഇസ്‌ലാം സജീവമതമാണെന്നും അതിനോടുള്ള പിന്തുടർച്ചയും അനുസരണവും മൂലം മനുഷ്യന് ദൈവസാമീപ്യവും അവനുമായുള്ള സംഭാഷണസൗഭാഗ്യവും കരസ്ഥമാക്കാനാവുമെന്നും സ്ഥാപിച്ചു കൊണ്ട് അദ്ദേഹം നിരവധി ഗ്രന്ഥങ്ങൾ രചിക്കുകയുണ്ടായി. അദ്ദേഹത്തിൻ്റെ അമൂ ല്യസാഹിത്യങ്ങൾ, മാനവരാശിക്ക് ദിവ്യജ്ഞാനത്തിൻ്റെ അമൃതധാരകൾ അനുസ്യൂ തമായി പകർന്നുകൊടുക്കുന്ന വിജ്ഞാനസ്രോതസ്സുകളാണ്. ഖുർആൻ പ്രബോധി ക്കുന്ന പാഠങ്ങളും പ്രഖ്യാപിക്കുന്ന നിയമപ്രമാണവും മനുഷ്യനെ ധാർമ്മികമായും ആത്മീയമായും ഉയർത്തിക്കൊണ്ടുപോയി പൂർണ്ണതയിലെത്തിക്കുന്നതിന് പര്യാ പ്തമാണെന്ന്, ത്യാഗധനവും മഹത്ത്വപൂർണ്ണവും വിശുദ്ധവുമായ സ്വന്തം ജീവിത മാതൃകയിലൂടെയും ദൈവികമായ സത്യദൃഷ്‌ടാന്തങ്ങളിലൂടെയും അദ്ദേഹം തെളി യിച്ചു. ഇസ്‌ലാമിൻ്റെ നവോത്ഥാനനായകനായും വാഗ്‌ദത്ത മസീഹായും താൻ നി യോഗിതനായിരിക്കുന്നുവെന്നു അദ്ദേഹം പ്രഖ്യാപിക്കുകയും 1889ൽ ദൈവനിർ ദ്ദേശപ്രകാരം അഹ്‌മദിയ്യാ ജമാഅത്ത് രൂപികരിച്ചുകൊണ്ട് സ്വശിഷ്യത്തിലേക്ക് ആളു കളെ ക്ഷണിച്ചുതുടങ്ങുകയും ചെയ്‌തു. ("ഖിലാഫത്ത്' എന്ന അനുഗൃഹിതനേത്യ ത്വത്തിന് കീഴിൽ വ്യവസ്ഥാപിതമായി മുന്നേറുന്ന ഈ ജമാഅത്ത് ലോകത്തിന്റെ നാനാഭാഗങ്ങളിലും പ്രചാരണകേന്ദ്രങ്ങളും പള്ളികളും വിദ്യാലയങ്ങളും ആതുരാ ലയങ്ങളും സാധുസംരക്ഷണട്രസ്‌റ്റുകളും ടി.വി.ചാനലുകളും സ്ഥാപിച്ച് ആദ്ധ്യാ ത്‌മികവും മനുഷ്യസേവനപരവുമായ പ്രവർത്തനങ്ങളിൽ വ്യാപൃതമായിരിക്കുന്നു) അദ്ദേഹം രചിച്ച എൺപതിലേറെ ഗ്രന്ഥങ്ങളിൽ അധികവും ഉർദു ഭാഷയിലാണ്; ചിലത് അറബിയിലും, പാർസിയിലും. 1908 മെയ് 26ന് (1326 റബീഉൽ ആഖർ 24) അദ്ദേഹം ദിവംഗതനായി..

Malayalam translation of Urdu book "Kishti-e-Nouh کشتی نوح " or Noah's Ark by Hazrat Mirza Ghulam Ahmad of Qadian