സമകാലിക ലോകത്തിനൊരു സ്നേഹദൂത് (Message for our Time, Malayalam)

സഹിഷ്ണു‌ത, ജനസേവനം, സമാധാനം

ഹദ്റത് മിർസാ മസ്‌റൂർ അഹ്‌മദ്

 അവതാരിക

ചരിത്രത്തിലെ നിർണ്ണായകമായ ഒരു ഘട്ടത്തിലൂടെയാണ് നാം കടന്നു പോകുന്നത്. വിവേചനങ്ങളും വേർതിരിവുകളും പരസ്പരമുള്ള അവിശ്വാസവും ഉത്കണ്ഠയും ലോകമെമ്പാടും വർദ്ധിച്ചുകൊണ്ടിരിക്കുന്നു. ഒരാഗോളസംഘട്ടനവും മഹാദുരന്തവും, അത് സംഭവിക്കാൻ പാടില്ലാത്തതാണെങ്കിൽപ്പോലും നമ്മുടെ മുന്നിലൊരു സംഭവ്യസാധ്യതയായി കാണപ്പെടുന്നു. എന്നിരുന്നാലും സമാധാനത്തിന്റെയും അനുരജ്ഞനത്തിന്റെയും ഒരു പരിഹാരം നിലനിൽക്കുന്നുണ്ട്. അത് പ്രവർത്തനപഥത്തിൽ നിന്ന് കണ്ടെത്താനും കഴിയുന്നതാണ്.

ആഗോള അഹ്മദിയ്യ മുസ്‌ലിം സമൂഹത്തിൻ്റെ ആത്മീയ നേതാവ് ഹദ്റത്ത് മിർസാ മസ്‌റൂർ അഹ്‌മദ് സാഹിബ് 2018 ൽ മധ്യ-വടക്കെ അമേരിക്കൻ രാജ്യങ്ങളിൽ നടത്തിയ പര്യടനത്തിൽ നിർവഹിച്ച നാലു പ്രഭാഷണങ്ങളുടെ സമാഹൃതരൂപമാണ് ഈ ഗ്രന്ഥം. ഈ സന്ദർശന വേളയിൽ, അദ്ദേഹം ഫിലാഡെൽഫിയ, ബാൾട്ടിമോർ, വിർജീനിയ എന്നിവിടങ്ങളിലെ മുസ്‌ലിം ആരാധനാലയങ്ങൾ ഉത്ഘാടനം ചെയ്തുകൊണ്ട് തേജോമയമായ പ്രഭാഷണങ്ങൾ നടത്തുകയുണ്ടായി. ഹ്യുമാനിറ്റി ഫസ്‌റ്റിൻ്റെ ശ്രമഫലമായി ഗ്വാട്ടിമാലയിൽ ആരംഭിച്ച നാസിർ ഹോസ്പിറ്റലിന്റെ ഉത്ഘാടനസമയത്ത് ചരിത്ര പ്രാധാന്യമുള്ള മറ്റൊരു പ്രഭാഷണം കൂടി അദ്ദേഹം നിർവഹിക്കുകയുണ്ടായി