مکتوباتِ احمد ـ جلد نمبر ۱ | Maktubaat-e-Ahmad. Volume 1.

مکتوبات احمد جلد اول

حضرت اقدس مسیح موعود علیہ السلام نے اپنی زندگی میں مختلف احباب کو جو خطوط تحریر فرمائے ان کو افادہ عام کے لئے بعد میں کتابی شکل دی گئی ۔ ان مکتوبات میں جو بظاہر متفرق موضوعات پر مختلف احباب کو لکھے گئے یا ان کے خط کے جواب میں بھیجے گئے، ان میں قارئین کے لئے بہت زیادہ علمی و روحانی تسکین کے سامان موجودہیں۔ موجودہ کمپیوٹرائزڈایڈیشن میں مکتوب الیہ کے اعتبار سے مکتوبات کی جلدیں مرتب کی گئی ہیں جن سے مطالعہ میں سہولت ہوجاتی ہے۔ نیزان مکتوبات سے حضرت مسیح موعودعلیہ السلام کی معاصرہندوو آریہ پنڈتوں،عیسائی پادریوں اور مناظروں، مختلف مسالک کے مسلمان علماء، عشق و وارفتگی سے پُر اپنے معزز اصحاب  اور متفرق احباب سے اعلیٰ برتاؤ اور آپ کی سادگی، روزمرہ زندگی،توکل علیٰ اللہ، بیماری و شدید مالی مشکلات پر صبراور اخلاق حسنہ کی گہرائی کا بھی پتہ چلتا ہے۔

آریوں، برہموں سماج اور عام ہندووں کے نام خطوط

عیسائ پادریوں کے نام خطوط جن میں فتح مسیح ، آتھم کے علاوہ ڈوئ اور پگٹ بھی شامل ہیں

غیراحمدی علماء کے نام خطوط جن میں مولوی محمد حسین بٹالوی ، مولوی رشید احمد گنگوہی ، مولوی غلام دستگیر صاحب قصوری اور مولوی عبدالجبارصاحب غزنوی وغیرہ کے نام خطوط بھی شامل ہیں

میرعباس علی صاحب لدھیانوی کے نام خطوط – ان مکتوبات کا موضوع تصوف ہے

تصوف کے مسئلہ وحدت الوجود کے بارہ میں حضرت مسیح موعود علیہ السلام کے تین مکتوبات بنام منشی مظفر حسین صاحب بھی اس جلد میں شامل کر دیے گئے ہیں