قتل مرتد اور اسلام

اس کتاب کے متعلق اس قدر بیان کردینا ضروری معلوم ہوتا ہے کہ یہ کتاب حضرت خلیفة المسیح الثانیؓ امام جماعت احمدیہ کی ہدایت اور نگرانی کے ماتحت تیار کی گئی ہے۔

دوسرا امر قابل ذکر یہ ہے کہ اس کتاب میں جس قدر منقولی بحث ہے، اس کا اکثر حصہ ان نوٹوں سے لیا گیا ہے جو بوقت ارشاد حضرت خلیفة المسیح الثانیؓ، مولوی جلال الدین صاحب شمس اور مولوی غلام احمد صاحب بدوملوی نے تیار کئے۔ اوّل الذکر نے مضامین کے اس حصہ کے متعلق نوٹ مرتب کئے جن کا تعلق قرآن شریف سے ہے مگر ساتھ ہی حدیث اور فقہ کے متعلق بھی بعض بہت مفید نوٹ  تیار کئے اور موخر الذکر نے زیادہ حدیث و تاریخ کی رو سے اس مضمون کی تحقیق کی۔ دوران مضمون میں جہاں جہاں مجھے مزید تحقیق کی ضرورت پیش آئی ہے وہاں میں نے مولوی فضل الدین صاحب وکیل سے جو سلسلہ کے ایک محقق عالم ہیں بہت امداد حاصل کی ہے۔ اس مضمون کا ایک حصہ منقولی بحث پر بھی مشتمل ہے وہ سب کا سب اور نیز منقولی بحث کے بعض ایسے حصے جو اصولی رنگ رکھتے ہیں حضرت مرزا بشیر احمد صاحب ایم۔ اے کے افاضات کا نتیجہ ہیں کیونکہ ان حصوں کے متعلق میں نے انہی سے اشارات حاصل کئے ہیں۔ پس تحقیق ہے کہ اس مسئلہ کے متعلق جس قدر تحقیقات اور جو خیالات اس کتاب میں پائے جاتے ہیں وہ دیگر علماء و بزرگان سلسلہ کی محنت اور دماغ کا نتیجہ ہیں۔ میرا کام صرف یہ ہے کہ میں نے اس تحقیق اور ان خیالات کو اپنے الفاظ میں ترتیب دے کر ناظرین کی خدمت میں پیش کر دیا ہے۔اب اللہ تعالیٰ سے دعا ہے کہ وہ اس کتاب کو مقبول فرمائے اور اس میں برکت ڈالے اور اس کے ذریعہ تمام مرتد کے غلط عقیدہ کا جو اسلام کی طرف منسوب کیا گیا ہے پورے طور پر قلعی کھل جائے اور دنیا پر حق منکشف ہو جائے۔

رَبَّنَا أَرِنَا الْحَقَّ حَقًّا وَأَرِنَا الْبَاطِلَ بَاطِلًا آمِيْن

اللّٰھم صل علی محمد و علی آل محمد و علی خلفائه و بارک وسلم إنک حمید مجید۔

خاکسار

شیـر علی غفر اللہ لہ

قادیان، دار الامان و الایمان

1925 دسمبر

QATL-E- MURTAD AUR ISLAM