خواب سراب Khab Sarab

Urdu Poetry by Mubarik Siddiqui sahib

خزاں کی رت میں گلاب لہجہ بنا کے رکھنا کمال یہ ہے

ہوا کی زد پہ دیا جلانا جلا کے رکھنا کمال یہ ہے

ذرا سی لغزش پہ توڑ دیتے ہیں سب تعلق زمانے والے

سو ایسے ویسوں سے بھی تعلق بنا کے رکھنا کمال یہ ہے

کسی کو دینا یہ مشورہ کہ وہ دکھ بچھڑنے کا بھول جائے

اور ایسے لمحے میں اپنے آنسو چھپا کے رکھنا کمال یہ ہے

کسی کی رہ سے خدا کی خاطر اٹھا کے کانٹے ہٹا کے پتھر

پھر اس کے آگے نگاہ اپنی جھکا کے رکھنا کمال یہ ہے