ବିପତ୍ତର ନିବାରଣ ; ଦାଫେ ଭଲ୍ ବଲା (Dafi-ul-Bala, Odiya)

ଲେଖକ:

ହଳରତ ମିର୍ଜା ଗୁଲାମ ଅହ‌ମଦ

ପ୍ରତିଶ୍ରୁତ ମସିହ ଓ ମେହଦୀ.

 ପ୍ରାକଥନ

ଏହି ପୁସ୍ତକ ଯୁଗାବତାର ହଜରତ ମିର୍ଜା ଗୁଲାମ ଅହମଦ ସାହେବ କାଦିୟାନି ପ୍ରତିଶ୍ରୁତ ମସିହ ଓ ମେହଦୀ ୧୯୦୨ ମସିହାରେ ମୁଦ୍ରିତ କରିଥିଲେ । ଯେତେବେଳେ ପଞ୍ଜାବରେ ପ୍ଲେଗ୍ ରୋଗ ବେଶ୍ ଦୃଢତାର ସହିତ ନିଜ କାୟା ବିସ୍ତାର କରି ବସିଥିଲା । ଏହି ପୁସ୍ତକରେ ପ୍ଲେଗ୍ ରୋଗ ସମ୍ବନ୍ଧିତ ସେହି ଐଶୀବାଣୀର ବର୍ଣନା ରହିଛି ଯେଉଁଥିରେ ପ୍ଲେଗ୍ ରୋଗ ସଂକ୍ରମଣ ହେବାର ଭବିଷ୍ୟତବାଣୀ ରହିଥିଲା । ଏଥିରେ ଏହା ମଧ୍ଯ ଦର୍ଶାଇ ଦିଆଯାଇଥିଲା, ଯେ ଏହି ମହାମାରୀର ପ୍ରାଦୁର୍ଭାବ ସଂସାରରେ ଏଥି ସକାଶେ ହେଲା କାରଣ ପ୍ରଭୁଙ୍କ ନିକଟରୁ ଆଗମନକାରୀ ପ୍ରତିଶ୍ରୁତ ମସିହଙ୍କର ସଂସାରବାସୀ କେବଳ ଅସ୍ଵୀକାର କଲେ ନାହିଁ, ବରଂ ତାଙ୍କୁ ଅନେକ ଦୁଃଖ ଦିଆଗଲା, ଯୋଜନାବଦ୍ଧ ଭାବରେ ତାଙ୍କୁ ହତ୍ୟା କରିବାର ପ୍ରୟାସ କରାଗଲା । ନାମ ନାନା ଅମାନ୍ୟକାରୀ ଓ ପ୍ରବଞ୍ଚକ ରଖାଗଲା । ପୂର୍ବ ଧର୍ମଶାସ୍ତ୍ରରେ ମଧ୍ଯ ଏହି ଭବିଷ୍ୟବାଣୀ ଉଲ୍ଲେଖ ରହିଛି ଯେ ପ୍ରତିଶ୍ରୁତ ମସିହଙ୍କ କାଳରେ ଭୟଙ୍କର ପ୍ଲେଗ୍ ରୋଗ ପରିବ୍ୟାପ୍ତ ହେବ ଏବଂ ତାହାର ନିଶ୍ଚିତ ଉପଚାର ଏହି କି ଯେ ସେହି ମସିହଙ୍କୁ ନିର୍ମଳ ହୃଦୟର ସହ ସ୍ଵୀକାର କର ଏବଂ ନିଜ ଜୀବନରେ ଏକ ପବିତ୍ର ଆଧ୍ୟାତ୍ମିକ ପରିବର୍ତନ ସୃଷ୍ଟି କର । ଅତଏବ ହଜରତ ମସିହ ମଉଦ” ପ୍ରଭୁଙ୍କ ଐଶୀବାଣୀ ଆଧାରରେ ଘୋଷଣା କଲେ:

“ ଯଦିଚ ପ୍ଲେଗ୍ ୭୦ ବର୍ଷ କାଳ ସଂସାରରେ ନିଜର କାୟା ବିସ୍ତାର କରି ରହେ, ତଥାପି ପରମେଶ୍ଵର କାଦିୟାନକୁ ତାହାର ଭୟଙ୍କର ବିଭୀଷିକାରୁ ସୁରକ୍ଷିତ ରଖିବେ ।”