శాంతి సందేశము (A Message of Peace, Telugu)

రచన

హజ్రత్ మీర్జా గులాం అహ్మద్ ఖాదియాని

మసీహ్ మౌవూద్, మహ్ది మౌహూద్

అలైహిస్సలాం

అనువాదము: హాఫిజ్ సయ్యద్ రసూల్ నియాజ్

"పైఘామె సులహ్ پیغام صلح" అనగా "శాంతి సందేశము" అను నామముతో అహ్మదియ్య సంస్థ స్థాపకులు హజ్రత్ మీర్జా గులాం అహ్మద్ ఖాదియానీ అలైహిస్సలాం ప్రపంచానికిచ్చిన అంతిమ సందేశము. ఈ మహా గొప్ప వ్యాసములో సయ్యద్నా హజ్రత్ అబ్బస్ అలైహిస్సలాం భారత ఉపఖండము లోని రెండు అతి పెద్ద జాతులు హిందువులు, ముస్లిములలో శాంతి, సామరస్యమును ఏర్పాటు చేయుటకు హృదయపూర్వకంగా సూచనలు చేయుచు విలువైన ప్రతిపాదనలు చేశారు. జాతుల మధ్య ద్వేషము, సమాజములో అంతరమునకు అసలు కారణము మత విభేదమేనని హుజూర్ నిర్ధారించారు. సమస్త మతాల గొప్ప సత్కార్యులను, పుణ్యులను గౌరవించాలని, వారి మతాల పుణ్యక్షేత్రాల గౌరవమును కాపాడాలని ఇస్లాం బోధించుచున్నది. ఇస్లాం మత సామరస్యము, ఐక్యత గూర్చి గల ఇస్లాం బోధనల సారాంశమును కూడా ఈ పుస్తకములో హుజూర్ ప్రస్తావించారు. ఈ వ్యాసములో హుజూర్ అలైహిస్సలాం సూచించిన సూత్రములు మత వ్యాకులత, విద్వేషమును దూరము చేయుటకు ఏకైక పరిష్కారముగా నిలిచెను. వీటిని విస్మరించి ప్రతిపాదించిన ఇతర సూత్రములు, ప్రణాళికలు విఫలమగును. ఈ పుస్తకములో చర్చించిన అంశము ఎంతో ముఖ్యమైనందున అనేక సార్లు ముద్రించబడెను. సయ్యద్నా హజ్రత్ ఖలీఫతుల్ మసీహిల్ ఖామిస్ అయ్యదహుల్లాహు తఆలా బినస్రిహిల్ అజీజ్ ఆమోదముతో నజారత్ నష్రో ఇషాఅత్  (ప్రచురణ విభాగము) ఖాదియాన్ ఈ పుస్తకమును ప్రజా ప్రయోజనము దృష్ట్యా తెలుగులో రెండవ సారి ప్రచురించుచున్నది. అల్లాహ్ తఆలా అన్ని విధాలా దీనిని లాభదాయకము చేయుగాక! జాతుల మధ్య ద్వేషమును అంతమొందించి ప్రజలలో అనిర్వచనీయ ఆప్యాయత, సోదరభావము, ఐక్యత, అనురాగమును ఏర్పాటు చేయుగాక! ఈ శాంతి సందేశమును పాఠకులు మనసారా అర్థము చేసుకొని ఇతరులకు కూడా అందింతురని ప్రార్థించుచున్నాము