அந்நத்வாவுக்கு (Tuhfatun Nadwah, Tamil Translation)

ஹஸ்ரத் மிர்ஸா குலாம் அஹ்மது (அலை) வாக்களிக்கப்பட்ட மஸீஹ், மஹதி.

அறிமுகம்

1902 -ஆம் ஆண்டில் வாக்களிக்கப்பட்ட மஸீஹ் (அலை) அவர்கள் இறைவன் புறமிருந்து முன்னறிவிப்புகளைப் பெற்று வெளியிடவும், பெருவாரியாக விநியோகிக்கவும் தொடங்கி ஏறத்தாழ இருபது ஆண்டுகள் நிறைவடைந்து விட்டன. தாம் பொய்யராக இருந்திருந்தால், நூற்றுக்கணக்கான முன்னறிவிப்பு -களை இறைவன் பெயரால் இவ்வாறு இட்டுக்கட்டிக் கூறி வெளியிட்ட பிறகும், திருக்குர்ஆனில் கூறப்பட்டுள்ள எச்சரிக்கையின்படி எல்லாம் வல்ல இறைவன் தமக்கு நீண்டதோர் ஆயுளை வழங்கியிருக்க மாட்டான் என்ற வாதத்தை முன்னிறுத்தி, தன்னுடைய வாதத்திற்குச் சான்றாக இத்தகைய முன்னறிவிப்புகளை அன்னார் தொடர்ந்து வெளியிட்டு வந்தார்கள். ஆனால், எல்லாம் வல்ல இறைவன் அன்னாருக்கு உதவி செய்யும் விதமாக எண்ணற்ற அடையாளங்களை அருள் கூர்ந்து வழங்கியதுடன், அவர்களது எதிரிகளுக்கு இழிவையும் ஏற்படுத்தினான்.

இந்தச் சூழ்நிலையில், ஹாஃபிஸ் முஹம்மது யூசுஃப் அவர்கள் பொது அறிவிப்பு ஒன்றை வெளியிட்டார்கள். அதில், அன்னாரது வாதத்தில் எவ்வித தனித்துவமும் இல்லை என்றும், ஏராளமான பொய்யர்களும், ஏமாற்றுக்காரர்களும் கூட, கடந்த காலத்தில் தமது பொய் வாதத்திற்குப் பின்னரும் நீண்ட நாட்கள் உயிர் வாழ்ந்த பிறகே இயற்கை மரணம் அடைந்துள்ளனர் என்றும் கூறியிருந்தார் .

இந்த அறிவிப்புக்குப் பதிலளிக்கும் பொருட்டு, ஹஸ்ரத் வாக்களிக்கப்பட்ட மஸீஹ் (அலை) அவர்கள், 'அந்நத்வாவுக்கு ஓர் அன்பளிப்பு' என்றொரு கருத்துச்செறிவுமிக்க சிறு நூல் மூலம் நத்வா ஆலிம்களுக்கு தமது அழைப்பை விடுத்தார்கள். இச்சிறிய புத்தகம் 1902 -ஆம் ஆண்டு அக்டோபர் 6 -ஆம் தேதி வெளியிடப்பட்டது.

இப்புத்தகத்தில், அன்னார் முஹம்மது யூசுஃப் அவர்களின் கருத்தை முற்றிலும் மறுத்தார்கள். மேலும், அது திருக்குர்ஆனின் தெளிவான போதனைக்கு முரண்படுவதை எடுத்துக் கூறியதுடன், முஹம்மது யூசுஃப் சாஹிபின் கருத்து ஏற்றுக் கொள்ளப்பட்டால், உண்மையாளர்களிடமிருந்து பொய்வாதிகளை வேறுபடுத்திக் காட்டக்கூடிய வழிவகைகள் இல்லாது போகும் என்பதை உணர்த்தினார்கள்.

இப்புத்தகம் அத்-தப்லீக் என்று அரபியில் தலைப்பிடப்பட்ட முன்னுரையுடன் துவங்குகிறது. அதன் மொழியாக்கம் தரப்பட்டுள்ளது. அதில், வாக்களிக்கப்பட்ட மஸீஹ் (அலை) அவர்கள், அந்நத்வா ஆலிம்களை திருக்குர்ஆன் கூறும் தீர்ப்பின் பக்கம் அழைத்தவாறு, வாக்களிக்கப்பட்ட மஸீஹ் மற்றும் மஹ்தி என்ற தனது வாதத்தை முன் வைக்கின்றார்கள். இயேசு கிறிஸ்துவின் மரணம் தொடர்பான புதிய சான்றுகளின் கண்டுபிடிப்புகளைக் குறிப்பிடும் சிறிய முடிவுரையுடன் இப்புத்தகம் நிறைவு பெறுகின்றது.

சவுத்ரி முஹம்மது அலி

வகீலுத் தஸ்னீஃப் ரப்வா

ஜூன் 5, 2010.

Tamil translation of Urdu book تحفة الندوة A Gift to Al-Nadwah by the Promised Messiah Hazrat Mirza Ghulam Ahmad of Qadian.