ନୋହାଙ୍କ ଧର୍ମତରୀ (Noah's Ark, Oriya)

ଲେଖକ

ହଜରତ ମିର୍ଜା ଗୁଲାମ ଅହମଦ କାଦିୟାନୀ

ପ୍ରତିଶ୍ରୁତ ମସିହ ଓ ମେହଦୀ

ପ୍ରକାଶକୀୟ

୧୮୯୬ ଠାରୁ ୧୯୧୪ ମସିହା ପର୍ଯ୍ୟନ୍ତ ସଂକ୍ରାମକ ପ୍ଲେଗ ମହାମାରୀ ବ୍ରିଟିଶ ଇଣ୍ଡିଆକୁ କ୍ଷତାକ୍ତ କରିଥିଲା । ବିଶେଷତଃ ପଞ୍ଜାବ ପ୍ରଦେଶରେ ଏହି ରୋଗର ପ୍ରାଦୁର୍ଭାବ ଅତ୍ୟଧିକ ଥିଲା। ପରିସ୍ଥିତି ଏପରି ସାଂଘାତିକ ହେଲା ଯେ ଏହା ଗୋଟିଏ ସହରରୁ ଅନ୍ୟ ଏକ ସହରକୁ ପ୍ରଚଣ୍ଡ ଭାବେ ବ୍ୟାପିଗଲା । ଭାରତବର୍ଷରେ ତତକାଳୀନ ବ୍ରିଟିଶ ସରକାର ଏହି ଦେଶବ୍ୟାପୀ ରୋଗ ଦାଉରୁ ଲୋକମାନଙ୍କୁ ରକ୍ଷା କରିବା ସକାଶେ ପ୍ରତିଷେଧକ ଟୀକା ନେବା ଜରୁରୀ ବୋଲି ଘୋଷଣା କଲେ । ଏହି ପରିପ୍ରେକ୍ଷୀରେ ନିଜକୁ ଚଳିତ ଯୁଗର ଅବତାର ଓ ସଂସ୍କାରକ (ମସିହ ମଉଦ ଓ ଇମାମ ମେହଦୀ) ରୂପେ ଦାବି କରିଥିବା କାଦିୟାନ ନିବାସୀ ହଜରତ ମିର୍ଜା ଗୁଲାମ ଅହମଦ ସାହେବ ୧୯୦୨ ମସିହାରେ ଏକ ପୁସ୍ତକ ରଚନା କଲେ, ଯାହାର ନାମ– ‘କିଣ୍ଡୀ ନୁହଁ’ । ଓଡିଆ ଭାଷାରେ ଏହା ‘ନୋହାଙ୍କ ଧର୍ମତରୀ’ ରୂପେ ବର୍ତ୍ତମାନ ପ୍ରକାଶିତ ହେଉଅଛି।

ଏହି ଉର୍ଦ୍ଦୁ ପୁସ୍ତକର ଲେଖକ ତାଙ୍କ ଶିକ୍ଷାର ମୌଳିକ ନୀତିକୁ ବିଶଦ ଭାବରେ ବର୍ଣ୍ଣନା କରି କହିଥିଲେ ଯେ ଯେଉଁ ବ୍ୟକ୍ତି ଜାତି, ଧର୍ମ, ବର୍ଣ୍ଣ ନିର୍ବିଶେଷରେ ମୋର ଏହି ସିଦ୍ଧାନ୍ତକୁ ଅନୁସରଣ କରିବ, ସେ ଟୀକା ନନେଇଥିଲେ ସୁଦ୍ଧା ଏହି ଦୁଃସାଧ ରୋଗର ବିଭୀଷିକାରୁ ଅତି ଆଶ୍ଚର୍ଯ୍ୟଜନକ ଭାବରେ ରକ୍ଷା ପାଇବ । ଏହି ଘଟଣା ସେହି ଯୁଗାବତାରଙ୍କ ଆଗମନର ସତ୍ୟତା ପାଇଁ ଏକ ଜ୍ଵଳନ୍ତ ନିଦର୍ଶନ ହେବ । ସୁତରାଂ ଦୟାମୟ ଈଶ୍ୱରଙ୍କର ଏହି ଇଚ୍ଛାକୁ ସେ ଦୈବିବାଣୀ ମାଧ୍ୟମରେ ପ୍ରାପ୍ତ କରି ଦେଶବାସୀଙ୍କୁ ଅଗ୍ରୀମ ସୂଚନା ଦେଇଥିଲେ । ଇତିହାସ ଏହାର ସାକ୍ଷୀ ଯେ ହଜରତ ଅହମଦଙ୍କର ଏହି ଭବିଷ୍ୟତବାଣୀ ଅତି ଚମତ୍କାର ଭାବେ ପୂରଣ ହୋଇଥିଲା l ସବୁଠାରୁ ଉଲ୍ଲେଖନୀୟ ବିଷୟ ହେଉଛି ଯେ କାଦିୟାନ ଓ ଏହାର ଆଖପାଖ ଅଞ୍ଚଳରେ ଲକ୍ଷ ଲକ୍ଷ ଲୋକ ମୃତ୍ୟୁବରଣ କରିଥିଲେ ସୁଦ୍ଧା ତାଙ୍କର ଅନୁଗାମୀ ଅହମଦିମାନେ ଟୀକା ନଲଗାଇବା ସତ୍ତ୍ବେ ଈଶ୍ଵର ଏପରି ବିଶେଷ ସୁରକ୍ଷା ପ୍ରଦାନ କଲେ ଯେ ମନୁଷ୍ୟଟିଏ ଦୂରେ ଥାଉ, ତାଙ୍କ ଘରୁ ମୁଷା ଛୁଆଟିଏ ମଧ୍ୟ ମଲା ନାହିଁ। (ହୟାତେ ତୟବା, ପୃଷ୍ଠା ୩୧୪)

ଏହି ପୁସ୍ତକଟିକୁ ଅନୁବାଦ କରିଛନ୍ତି ମୌଲବୀ ମକସୁଦ ଅଲି ଅହମଦ୍ (ଏମ୍.ଏ.) ଏବଂ ସମୀକ୍ଷା କରିଛନ୍ତି ଓଡିଶା ରିଭ୍ୟୁ କମିଟି ଅଧକ୍ଷ ଇଂ. ରୌଶନ୍ ଖାନ୍ ସାହେବ । ଏହାକୁ ସରଳ, ବୋଧଗମ୍ୟ ଓ ତ୍ରୁଟିରହିତ କରିବା ପାଇଁ ଯତ୍ପରୋନାସ୍ତି ଚେଷ୍ଟା କରାଯାଇଛି । ସେଥିପାଇଁ ମୌଲବୀ ଅନ୍ୟର ଅହମଦ, ଏମ୍.ଏ ଇନ୍ଟର୍ଯ ଓଡିଆ ଡେସ୍କ, କାଦିୟାନ୍ ଏବଂ ଶ୍ରୀଯୁକ୍ତ ମନୱର ଅହମଦ, ଆଡଭୋକେଟ, ପୁରୀଙ୍କ ଉଦ୍ୟମ ପ୍ରଶଂସନୀୟ। ଅନ୍ତଃତାଲା ସେ ସମସ୍ତଙ୍କ ଅକ୍ଳାନ୍ତ ପରିଶ୍ରମ ଓ ନିଷ୍ଠାପର ସେବାକୁ ଗ୍ରହଣ କରନ୍ତୁ । ଏହି ପୁସ୍ତକ କେବଳ ଅତୀତରେ ନୁହେଁ, ବର୍ତ୍ତମାନ ଦେଖା ଦେଉଥିବା ଉକ୍ତ ସଙ୍କଟ ସମୟରେ ମଧ୍ୟ ଆଶାର ଉଦ୍ଦୀପ୍ତ କିରଣ ସ୍ବରୂପ ମାନବ ସମାଜକୁ ସତ୍ମାର୍ଗ ପ୍ରଦର୍ଶନ କରୁ । ପୃଥିବୀର ନିର୍ବାଣ ସକାଶେ ଏହା ଏକ ସର୍ବକାଳୀନ ଉପାଦେୟ ପୁସ୍ତକ ରୂପେ ସାବ୍ୟସ୍ତ ହୋଇ ମନୁଷ୍ୟ ଜୀବନରେ ନୈତିକ ଓ ଆଧ୍ୟାତ୍ମିକ ପରିବର୍ତ୍ତନ ଆଣିଦେଉ। ଆମିନ୍।

ହାଫିଜ୍ ମଖଦୁମ ଶରୀଫ

ନାଜର କେନ୍ଦ୍ରୀୟ ପ୍ରକାଶନ ଓ ପ୍ରସାରଣ ନିର୍ଦ୍ଦେଶାଳୟ

କାଦିୟାନ, ପଞ୍ଜାବ

Oriya/Odiya translation of Urdu book "Kishti-e-Nouh کشتی نوح  Noah's Ark" by the Promised Messiah Hazrat Mirza Ghulam Ahmad of Qadian